Ibisakuzo VIII

Last updated on August 1st, 2024 at 12:44 pm

          Sakwe Sakwe… !     Soma!

1. I Burundi n’i Bunyabungo inama ni imwe = Inkono ku ziko
2. I Gisaka ntibacinyira bangana amacinya = Amenyo
3. I Mabara zirarabagirana = Impururu z’umutindi
4. I Nyarukomba baratema = Ubuheri mu gihata
5. Ibikaci bikaciraniye muri Nyagafunzo, ibisiga bizapfana umukumo = Amabere y’inkumi
6. Ibiti byanjye byaka bidacika = Buji
7. Ibitugu bya so birarenga urugo = Ikivumvuri
8. Ibuguti ibuguti=Impyisi ibugutira umupfu/Umugore ubuguta mu nkanda/Umusore ubugutana ingabo/Ihene ibugutira amatovu
9. Ibuka hakurya = Utuzu tw’abashumba
10. Icara nkubwire=Amavunja
11. Icwende ryanjye ribaye kure mba ngukoreyemo=Ukwezi
12. Icy’ubwoya icy’impwempwe cyagarika impanga mu mpinga ya Bwanacyambwe = Umwungu mu ncoce
13. Icyambuka uruzi kitagira amaguru = Ijwi
14. Icyanzu cyanjye ngicamo nkafunga = Indumane /Intoboro w’igipesu
15. Icyo nagutuma ntiwakizana = Inyenyeri
16. Icyo nashinga ntiwagishingura=Umubyindi
17. Icyo nsasira ntikirame=Ikawa
18. Idodorido = Inda mu ruhara
19. Ifuni iracoca urukoro = Ikinwa cya Nyirabarazana
20. Igagarigaga = Inda mu ruhara
21. Igiharamagara kitubereye ku ruharo = Urugi
22. Igihondohondo cy’amaguru munani = Ikigega
23. Igihugu cyose iya bitatu = Amashyiga
24. Igira hakurya nanjye nigire hakuno duterane injunguto z’imiseke = Urubura
25. Igira hino ngusekere = Amashaza akaranze
26. Igira hino nshuti = Ikirago/ikiringiti
27. Igira inyuma y’inzu bagupfunde ibirozi = Ibiboga bigaze
28. Igira inyuma y’inzu uce inkoni y’umuze n’umunzenzi = Urusogo n’urusogi
29. Igira inyuma y’inzu ukube ino = Imigondoro y’ibishyimbo
30. Igira inyuma y’inzu ukubitwe n’inkuba = Kubona aho nyokobukwe yiyuhagira
31. Igira inyuma y’urugo nkuvumburire impongo itagira umurizo = Umubuyenge w’intosho
32. Igira mu mpinga wibuke uwo mwajyanye = Ubuheri mu gihata
33. Igishorankwanzi cyamanutse gihora gikwiza ab’iwanyu bose imigoma = Ikigori
34. Igitabo cya Mutara ntawutagishengerera = Igisoro (Ikibuguzo)
35. Igiteye imbabazi  = Ikibwana cy’imbwa
36. Igiti kiguye i Nyanza tugikwirwa amashami twese = Ijambo ry’umwami
37. Igiti kinini ruhumbanyoni = Inkono ivugirwamo umutsima
38. Ihirike naraguharuriye = Imodoka mu muhanda
39. Ijisho ryanjye rimurika hose = Izuba
40. Ijoro rirara hehe? = Mu mutima w’inkoko
41. Iki gikunda inshyi=Akayunguruzo
42. Ikibyoya ikibyanwa mu mpinga ya Bwanacyambwe = Icyugu mu ncoce
43. Ikigira izina ntikigira ibara = Umuyaga
44. Ikiri aho ni cyo kiri i Burundi = Ipfundo ry’urudodo
45. Ikitagira amaraso = Igishorobwa
46. Ikiyongoyongo cya Nyirabayogoma kiruka ikijya epfo n’ikijya=ruguru = Umuriro mu muyaga
47. Imana y’ i Burundi irashoka ntikuka = Agahinda ku mutima
48. Imana y’I Burundi irashoka ntitahe=Agahinda k’inkumi
49. Imana y’ishyanga irabagira mu ishyamba = Ishavu
50. Imanika mahahara imanura amahano kwa mfura zitarya = Inzugi z’imigano/Umukokwe
51. Imbehe za Nyirabangana zingana zose = Isi n’ijuru
52. Imbere ndi imanzi inyuma ndi imanzi=Akanyita k’uruhu/Icyansi
53. Imbere ndi imanzi, inyuma ndi umwanzi = Ikinyagu
54. Imikara y’i Gasangi irabira rikarenga=Ibyiyoni
55. Imikorere ya Nyiranzana nagize ngo ibiryo bye ntibizaribwa none ndatora n’urwo hasi = Inzuki n’ubuki
56. Imisozi irahiye hasigaye rukumbi rwa Shaza = Inzira/Umugina
57. Imisozi irashika ibikanu = Abahizi
58. Imisozi irashya Rukaba yo ntishya = Urutare
59. Imisozi iriyorosa ubugondo=Ibihu/Inzuki/Intoki
60. Imisozi yarahiye isiga inkuba n’imiheto = Igitare
61. Imivumu y’iwacu ni ruhumbanyoni = Inzara
62. Imparakajosi ya Nyamujyana impara ironsa batanu=Umuheto n’imyambi.
63. Impeta Kajiga ya Rujinja ironsa umunani = Injishi n’igisabo
64. Impfumbatizabutoki ya Sebutama ironsa batatu=Umwambi mu ruge
65. Imyuko yo kwa Mahanga iruka umuriro = Imbunda
66. Indigitagitaka intahira y’urugo=Ikijumba
67. Ingabo yanjye yuma ihagaze=Urusenge
68. Ingarukira y’umuvumu yameze mu kivure = Urusogo mu mukokwe
69. Ingobyi ngari ni yo impekera abana = Ubwato
70. Inka yanjye irishiriza ku nkombe ntitembe = Akanyoni karitse ku nzira
71. Inka yanjye irishiriza mu mishito igataha mu mishito = Ururimi
72. Inka yanjye ishiturwa n’abagenzi = Icyiyoni
73. Inka yanjye ndayibaga igakwiza abagore banjye bose inkanda = Ikigorigori
74. Inka yanjye nyikama igaramye=Umuvure
75. Inka yanjye nyikama igenda=Uruyuzi
76. Inka yanjye nyizirika ku nzira uyinyuzeho wese akayishitura =Urutoryi
77. Inka yanjye yahindutse urwirungu = Igiko gihiriye mu ruhira
78. Inka yanjye yimira mu kinono ikabyarira mu ihembe=Igitoki
79. Inka zanjye zaragiye zigarukira mu mpinga y’abankunda = Umuyaga
80. Inka zanjye zaragiye zirarima zirarimagura = Inda mu nnyo
81. Inkera y’ i Busasamana bayirara ku manywa=Isoko
82. Inkongoro iratemba ikijyaruguru=Umuheha
83. Inkongoro ya Dede ayinyweraho wenyine = Umwobo w’icyugu/Umwobo w’inzoka/Umwobo w’umucamano
84. Inkongoro ya Dodo inyweramo Dodo wenyine = Umwobo w’impiri
85. Inkoni yanjye nyibyaza amazi nashaka nkayibyaza amabuye = Igisheke
86. Inkota y’ishyari irahigira mu ishyamba yonyine = Agahinda ku mutima
87. Inkuba ebyiri zihindiye i Bwishaza = Inzuho ebyiri mu ntango
88. Inkuba ikubita ikwerekejeho umugongo = Umuheto
89. Inkuba ikubita ku butaka ya Rukikabayimira=Ikijumba
90. Inkuba irarenga = Isha mu ibanga
91. Inkubarugo = Inkangara
92. Inkuru nziza ivuye i Burayi = Inzara z’uruhinja
93. Ino karahari n’i Kongo karahari = Ifaranga
94. Ino karahari na Kongo karahari=IFARANGA=
95. Inshyimbo y’iminsi yegekwa mu mfuruka = Uruhindu rw’indushyi
96. Intara za Nyirabangana zingana zose=Isi n’ijuru.
97. Intukutuku inyamubande = Amahundo
98. Inyabubiri inyabutatu babara ntibayishobore = Amaguru ya Muhuhirizi
99. Inyabune ya butanu yagiye kwenda inani kwa mirongo inani = Imirya y’inanga
100. Inyabutatu ya butanu ku ngoyi imwe = Imyungu ku ruyuzi
101. Inyagarinyangari bana ba mama = Amazi ku rukangaga
102. Inyama y’urusaku mu rugo rw’imiseke imbere i Nyamagana = Ururimi
103. Inyana y’ishyanga iratema ishyamba=Agahinda ku mutima
104. Inyuma y’inzu zirabyina inkora = Urugoyi rw’ibishyimbo
105. Inyuma ya Gacu barahima intebu = Uruheri mu gihata
106. Inyuma ya Ndiza urwenge rurahonya = Inda mu ruhara
107. Inyumba isakaje ibyuma = Ikinyogote
108. Inyundo za bene Ntwari bazikubita hasi ntizimene isi= Ibinono by’ inka
109. Inzira ijya i Burundi igenda amagorigondi = Imyobo y’ifuku
110. Inzira ijya i Bunyokorome yasiba wahwera = Inzira ijya mu kigega
111. Inzovu rubunga itaha mu mwobo = Ikidasesa
112. Inzu yanjye nayisakariye ku nkingi imwe = Icyobo
113. Inzu yanjye ntigira umuryango = Igi ry’inkoko
114. Inzu yanjye yuzuzwa n’urubariro rumwe = Icyibo
115. Ipikipiki mu gupiga nyoko wangana iki? = Inda mu ruhara
116. Irengerenge = Inzogera
117. Iri waribonye he? = Umurara w’uburo
118. Iriboneye ntiryica = Ibere ry’inkumi
119. Iryo mvuze rihama mu gihugu = Ijambo rya perezida
120. Ishenyi isenya urw’undi ihora mu rwugururiro = Umusambane
121. Ishime nyoko aratwite=Urwina
122. Ishyamba rirava umwezi = Amabarizo
123. Isuka irokoye niyo ihinga neza = Ikinwa cya Nyirabarazana
124. Iteze neza ntiyica = Ibere ry’inkumi
125. Iwacu duteze ingori twese = Umugengararo w’amasaka
126. Iwacu twicaye twese = Intebe
127. Iwacu twikwije impindu twese = Imirizo y’imbeba
128. Iwacu twikwije impindu twese=Imirizo y’imbeba.
129. Iy’uruvurivundi, iy’uruvurivuri iyo bakubita ivu rigatuma = Ikinyugunyugu
130. Iyo umugabo ageze mu rutoki abanza iki=Ikivugirizo
131. Iyo umugore ageze mu rutoki abanza iki=Inyamunyo
132. Izo ntoki zinsaba ugira ngo ndaziha = Imyenge y’inzu