Ibisakuzo VII

Last updated on August 1st, 2024 at 12:44 pm

          Sakwe Sakwe… !     Soma!

1. Hagarara hakuno mpagarare hakurya duterane ibidashyika = Ibipfunsi
2. Hagarara hakuno, mpagarare hakurya turate abeza =Amenyo
3. Hagarara hakurya mpagarare hakuno duterane ibidashyika=Ibipfunsi
4. Hagarara mu itahe nanjye mpagarare mu itongo = Intashya
5. Hagarara mu mpinga uhagaritswe n’umugabo utakuruta = Imbaragasa
6. Hagarara mu mpinga uhamagare wa mugabo w’urugangazi uti : « Minyaruko ya Nyamikenke aragusize » = Amata n’umutsima/Inyama n’umutsima
7. Hagati ya Gacu na Mpanga hazi bake = Uruheri mu gihata
8. Hakurya deee, hakuno deee= Urarabo rw’amajeri
9. Hakurya duuu, hakuno duuu=Ibiradiyo biteganye
10. Hakurya hena, hakuno hena = Abagore babagara
11. Hakurya mu gihuku = Ikizu kitagira abantu
12. Hakurya ngo dondi no hakuno ngo dondi = Abakomyi b’insyo
13. Hakurya ni umukoki, hakuno ni umukoki=Ikibuno
14. Hakurya ni urwererane, hakuno ni urwererane=Ururabo rw’amashaza
15. Hakurya no hakuno ngo barubaru = Urubura mu masaka
16. Hapfuye Senkopfu hasigara Semfunda = Umugondoro w’igishyimbo
17. Hari agati utakurira=Umunyereri
18. Hari ikintu, uretse wowe n’abandi baragikoresha = Izina ryawe
19. Haruguru ziraterana ay’imbogo = Amahururu y’ababi
20. Havuyemo umwe ntitwabimenya=Ubwatsi busakaye inzu
21. Hepfo aha hanyuze impehe = Abagore batagira abagabo/Abagore batagira ingori/Ingabo zitagira umutware/Inka zidafite imfizi/Inzuki zitagira urwiru
22. Hepfo aha rurakubana = Umusaza cyangwa umukecuru n’agashyitsi
23. Hepfo isanane haruguru isanane = Amano y’inanga
24. Hepfo macibiri haruguru macibiri = Amabondo y’ihene
25. Hepfo nyagakambwe na nyagakecuru barapfumbatanye = Igishyitsi cy’umusave n’umubirizi
26. Hepfo rurakururana = Impatwe z’umusaza
27. Hepfo zirabyina urungora = Urugoyi rw’ibishyimbo
28. Hi hi hi = Igikecuru cyisutseho igisururu
29. Hirika i Kanombe = Ibitoki mu rwina/ Ibitoki mu ntabo
30. Hirya hariya hari imizo n’iminzenzi = Isogo n’inyabutongo
31. Hirya karahiye no hino karahiye hasigaye rukumbi rwa Sasa = Inzira
32. Hirya nakubira no hino nakubira = Amabondo y’ihene
33. Hirya umuhanda no hino umuhanda = Ururimi hagati y’amenyo
34. Hirya y’ishyamba hari agashahura abagabo = Umusoro
35. Hita i Nyarubuye mpite mu Mbiyo tuzahurire i Nyanza = Urubariro
36. Hunga gahinda ataguca umurundi = Inzoka